Access2Base

Što Access2Base je?

Access2Base je biblioteka makrow LibreOffice za (wobchodniskich abo priwatnych) wuwiwarjow nałoženjow a pokročenych wužiwarjow. Je jedna z bibliotekow, kotrež su w „Nałoženske makra a dialogi“ składowane.

Funkcionalnosć, kotruž implementowane makra skića, su direktnje wot Microsoft Access inspirowane. Makra su předewšěm z nałoženja LibreOffice Base wuwołujomne, ale tež z někajkeho dokumenta LibreOffice (Writer, Calc …), hdźež je zmysłapolnje, přistup k datam dóstać, kotrež su w datowej bance składowane.

API, kotryž Access2Base k dispoziciji staja, ma kompaktniši, intuitiwniši a lóšo nawuknjomny być hač UNO API (API = Application Programming Interface; hornjoserbsce: Tykačka programowanja nałoženjow).

Warnowanski symbol

Biblioteka je online dokumentowana na http://www.access2base.com (jendźelsce).


Implementowane makra wobsahuja:

  1. zjednorjeny a rozšěrjomny API za wobchadźenje z formularami, dialogami a wodźenskimi elementami, podobne na objektowy model Microsoft Access.

  2. API za přistup k datowej bance na objekty tabela, wotprašowanje, datowa sadźba a polo,

  3. rjad akcijow ze syntaksu, kotraž je identiska z wotpowědnymi makrami/akcijemi Microsoft Access,

  4. funkcije datoweje banki DLookup, DSum …,

  5. podpěru krótkeho pisanja kaž Forms!myForm!myControl

a nimo toho

  1. konsequentny wodźenski program za zmylki a wuwzaća,

  2. móžnosće, podawki za formulary, dialogi a wodźenske elementy programować a

  3. podpěru za zasadźene formulary kaž tež samostatne formulary (Writer).

Přirunanje Access2Base z Microsoft Access VBA


   REM Open a form ... 
             OpenForm("myForm") 
   REM Move a form to new left-top coordinates ... 
             Dim ofForm As Object  ' In VBA =>  Dim ofForm As Form 
             Set ofForm = Forms("myForm") 
             ofForm.Move(100, 200) 
   REM Get the value of a control ... 
             Dim ocControl As Object 
             ocControl = ofForm.Controls("myControl") 
             MsgBox ocControl.Value 
   REM Hide a control ... 
             ocControl.Visible = False 
   REM ... or alternatively ... 
             setValue("Forms!myForm!myControl.Visible", False)  '  Shortcut notation 
             ' In VBA =>  Forms!myForm!myControl.Visible = False